ആസിഫിന്റെ മരണത്തില് ദുരൂഹതയുണ്ടെന്നും അന്വേഷിക്കണമെന്നും ആവശ്യപ്പെട്ട് ബന്ധുക്കള് നേരത്തെ പരാതി നല്കിയിരുന്നു.നിലവിലുള്ള അന്വേഷണ സംഘത്തെ മാറ്റുകയോ കേസ് ക്രൈം ബ്രാഞ്ചിനു വിടുകയോ ചെയ്യണമെന്നാണ് ആവശ്യം.അതേ സമയം കേസില് അന്വേഷണം പുരോഗമിക്കുന്നതായി നാട്ടുകല് സിഐ സിജോ വര്ഗീസ് അറിയിച്ചു.കഴിഞ്ഞ ദിവസം ആസിഫിന്റെ ഫോണ്കോളുകളുടെ ലിസ്റ്റ് ലഭിച്ചിട്ടുണ്ടെന്നും ഇത് പരിശോധിച്ചു വരികയാണെന്നും സിഐ അറിയിച്ചു.
ചേലാക്കോടന് വീട്ടില് നാസറിന്റെ മകനും ഫുട്ബോള് താരവുമായ മുഹമ്മദ് ആസിഫി(20)നെ ഈ മാസം ഏഴിനാണ് വീട്ടിനടുത്തുള്ള കിണറില് മരിച്ച നിലയില് കണ്ടെത്തിയത്. 11 മീറ്ററോളം ആഴത്തില് വെള്ളമുള്ള കിണറ്റിലാണ് മൃതദേഹം കണ്ടെത്തിയത്. അഞ്ചിന് വൈകീട്ട് എട്ടോടെ ആസിഫിനെ കാണാതായിരുന്നു. സഹപാഠികളും നാട്ടുകാരും പൊലീസും ചേര്ന്ന് വ്യാപക അന്വേഷണം നടത്തിയെങ്കിലും കണ്ടെത്താന് കഴിഞ്ഞില്ല. തുടര്ന്നാണ് വീട്ടില് നിന്നും 100 മീറ്റര് മാത്രം അകലെയുള്ള കിണറില് മൃതദേഹം കണ്ടത്.