ജലസേചന വകുപ്പിന്റെ സ്ഥലത്ത് ലോകബാങ്ക് സഹായത്തോടെ മൂന്ന് കോടി രൂപ ചെലവിലാണ് പുതിയ ഉദ്യാനം ഒരുക്കുക.ജലസേചന വകുപ്പിന്റെയും ജില്ലാ ടൂറിസം പ്രമോഷന് കൗണ്സിലിന്റേയും നിയന്ത്രണത്തിലുള്ള കാഞ്ഞിരപ്പുഴ ഉദ്യാനത്തില് പുതിയ ഉദ്യാനം നിര്മിക്കുന്നതിനുള്ള ചുമതല ജലസേചന വകുപ്പിനാണ്.ചെക് ഡാമിനു സമീപത്തെ രണ്ടര ഏക്കറോളം വരുന്ന ഒഴിഞ്ഞു കിടക്കുന്ന സ്ഥലത്താണ് ഉദ്യാനം വരുന്നത്.പൂക്കള്ക്ക് പ്രാധാന്യം നല്കുന്നതിനോടൊപ്പം തൂക്കുപാലം, കൂടാരങ്ങള്, വൈദ്യുതി അലങ്കാരം, നടപ്പാതകള്, ഇരിപ്പിടങ്ങള് എന്നിവയും നിര്മിക്കും.
പ്രദേശം സന്ദര്ശിച്ച ആര്ക്കിടെക്ട് സംഘം ഉടന് തന്നെ എസ്റ്റിമേറ്റും റിപ്പോര്ട്ടും രൂപരേഖയും കാഞ്ഞിരപ്പുഴ ജലസേചന പദ്ധതി അധികൃതര്ക്ക് സമര്പ്പിക്കും. തുടര്ന്ന് ഈ റിപ്പോര്ട്ട് സംസ്ഥാന ജലസേചന വകുപ്പിന് അംഗീകാരത്തിനായി സമര്പ്പിക്കും. അനുമതി ലഭ്യമാകുന്ന മുറയ്ക്ക് നിര്മാണ പ്രവര്ത്തനങ്ങള് തുടങ്ങും. അടുത്ത മാസത്തോടെ പുതിയ ഉദ്യാനത്തിന്റെ നിര്മാണ പ്രവര്ത്തനങ്ങള് ആരംഭിക്കാനാകുമെന്നാണ് അധികൃതര് കരുതുന്നത്.