തോക്ക് വാങ്ങി നൽകാമെന്ന് പറഞ്ഞ് വിനായകൻ അട്ടപ്പാടി സ്വദേശികളിൽ നിന്ന് പണം വാങ്ങിയിരുന്നു. നന്ദകിഷോറായിരുന്നു ഇടനിലക്കാരനെന്നും പൊലീസ് പറയുന്നു. തോക്ക് നൽകാത്തത് അന്വേഷിക്കാൻ ഇരുവരെയും വിളിച്ചുവരുത്തുകയും പിന്നീട് വാക്ക് തർക്കമുണ്ടാകുകയും അത് നന്ദകിഷോറിന്റെ കൊലപാതകത്തിൽ കലാശിക്കുകയുമായിരുന്നു.
മർദ്ദനമേറ്റ് അവശ നിലയിലായ നന്ദകിഷോറിനെ പ്രതികൾ തന്നെയാണ് ആശുപത്രിയിൽ എത്തിച്ചത്. ആശുപത്രിയിൽ എത്തിക്കുമ്പോൾ നന്ദകിഷോർ മരിച്ചിരുന്നതായി പോലീസ് പറഞ്ഞു. മർദ്ദനത്തിൽ ഗുരുതര പരിക്ക് പറ്റിയ വിനയൻ കോട്ടത്തറ ആശുപത്രിയിൽ ചികിത്സയിലാണ്.