കഴിഞ്ഞ ദിവസം മരങ്ങള് പൊട്ടി വീണ് ചുരം റോഡില് മണിക്കൂറുകളോളം ഗതാഗതം തടസ്സപ്പെട്ടിരുന്നു.തീപിടിച്ച ഒരു മരം മറ്റൊരു മരത്തിന് മുകളിലേക്ക് പതിക്കുകയും ഇവയുടെ വൃക്ഷതലപ്പും കൊമ്പുകളും റോഡിലേക്ക് പതിക്കുകയും ചെയ്തതാണ് യാത്രപ്രതിസന്ധി സൃഷ്ടിച്ചത്. ഫയര്ഫോഴ്സെത്തി മരങ്ങള് മുറിച്ച് നീക്കിയാണ് ഗതാഗതം പുന:സ്ഥാപിച്ചത്. ചുരം റോഡിലൂടെയുള്ള യാത്ര മഴക്കാലത്തും വേനല്ക്കാലത്തും വെല്ലുവിളിയായി തീരുകയാണ്. മഴക്കാലത്ത് മണ്ണിടിച്ചിലാണ് ദുരിതമാകുന്നതെങ്കില് വേനല്ക്കാലത്ത് ഉണക്കമരമാണ് ഭീഷണി ഉയര്ത്തുന്നത്.
മണ്ണാര്ക്കാട് ഫയര് സ്റ്റേഷന് അസി സ്റ്റേഷന് ഓഫീസര് എ കെ ഗോവിന്ദന്കുട്ടി, സീനിയര് ഫയര് ആന്റ് റെസ്ക്യു ഓഫീസര് രഞ്ജിത്ത്,ഫയര് ആന്റ് റെസ്ക്യു ഓഫീസര് ഡ്രൈവര് വിജിത്ത്,ഫയര് ആന്റ് റെസ്ക്യു ഓഫീസര്മാരായ ഷബീര്,ടിജോ തോമസ്,സുഭാഷ്,രമേഷ് എന്നിവര് ചേര്ന്നാണ് മരം മുറിച്ച് നീക്കിയത്.