കേരളത്തിന് പുറത്തുള്ള ഏതോ വിദ്യാഭ്യാസ സ്ഥാപനത്തില് അധ്യാപകന് വിദ്യാര്ത്ഥിയെ മര്ദിക്കുന്ന വീഡിയോ ആണ് കല്ലടിയിലേതെന്ന പേരില് സോഷ്യല് മീഡിയയില് പ്രചരിച്ചത്. വീഡിയോയിലെ വിദ്യാര്ത്ഥികളുടെയും സ്കൂളിലെ പ്ലസ് വണ് വിദ്യാര്ത്ഥികളുടെയും യൂണിഫോമിന്റെ നിറം ഒരുപോലെ ആയതാണ് തെറ്റിദ്ധാരണയ്ക്കും പ്രചാരണത്തിനും കാരണമായതെന്ന് അധ്യാപകര് പറയുന്നു. പൊലീസും മനുഷ്യാവകാശ കമ്മീഷനും എല്ലാം സ്കൂളില് കുട്ടികളുടെ മൊഴി എടുത്തു. പ്രചാരണം തെറ്റാണെന്ന് ബോധ്യപ്പെട്ടതാണ്. എന്നിട്ടും സോഷ്യല് മീഡിയയില് വീഡിയോ പ്രചരിച്ചുകൊണ്ടിരുന്നു.