കഴിഞ്ഞദിവസം അമ്പലപ്പാറ മലയിലേക്ക് ആനയെ കയറ്റിവിടാനുള്ള നീക്കത്തിനെതിരേ നാട്ടുകാർ പ്രതിഷേധവുമായി രംഗത്തെത്തിയിരുന്നു. പൊതുജനസുരക്ഷയെ കരുതി വരും ദിവസങ്ങളിലും പ്രദേശത്ത് വനംവകുപ്പിന്റെ പരിശോധനയുണ്ടാകുമെന്ന് മണ്ണാർക്കാട് റേഞ്ചോഫീസർ എൻ. സുബൈർ അറിയിച്ചു. ആനയെ നിരീക്ഷിക്കുന്നതിന് പ്രത്യേകസംഘത്തെ നിയോഗിച്ചതായും അധികൃതർ പറഞ്ഞു.
പത്തുവയസ്സുള്ള ആനയുടെ ഇടതുപിൻകാലിലാണ് മുറിവ്. ഞായറാഴ്ചയാണ് വനംവകുപ്പ് മയക്കു വെടിവെച്ച് തളച്ച് ചികിത്സ നൽകിയത്. തുടർന്ന്, സ്വതന്ത്രനാക്കി കാട്ടിലേക്ക് തുരത്താൻ ശ്രമിച്ചെങ്കിലും കുറച്ചുനേരം പരിസരത്ത് അലഞ്ഞുനടന്ന ആന തിരിച്ചെത്തുകയായിരുന്നു.
അതേസമയം, സുരക്ഷിതമായ സ്ഥലത്തെത്തിച്ച് തുടർചികിത്സ ഉറപ്പാക്കിയശേഷം കാട്ടിലേക്ക് വിട്ടയക്കണമെന്ന നാട്ടുകാരുടെ ആവശ്യം വനംവകുപ്പധികൃതർ പരിഗണിച്ചില്ലെന്ന ആക്ഷേപമുണ്ട്. പരിക്കേറ്റ ആന വീണ്ടും ജനവാസകേന്ദ്രത്തിലെത്താൻ സാധ്യതയുണ്ടെന്നത് ചൂണ്ടിക്കാട്ടിയാണ് ജനങ്ങൾ ഇക്കാര്യമാവശ്യപ്പെട്ടത്.