വാര്‍ത്തകളില്‍ വയനാടിലെ മനുഷ്യരുടെ ദുരിതം കണ്ടാണ് തന്റെ സമ്പാദ്യം ദുരിതാശ്വാസ നിധിയിലേക്ക് സംഭാവന ചെയ്യാന്‍ ലയ തീരുമാനിച്ചത്. അപ്പൂപ്പന്‍ സൈക്കിള്‍ സമ്മാനിച്ചതിനാല്‍ ആ തുക കൈമാറാമെന്ന് ലയ തീരുമാനിച്ചു. അച്ഛനോടും അമ്മയോടും പറഞ്ഞപ്പോള്‍ പൂര്‍ണസമ്മതം. പിറ്റേന്ന് തന്നെ കലക്ടറേറ്റിലെത്തി മന്ത്രിക്കും ജില്ല കലക്ടര്‍ക്കും തുക കൈമാറി. ചിറ്റൂര്‍ വിജയമാത ജി.എച്ച്.എസ്്.എസിലെ അഞ്ചാം ക്ലാസ് വിദ്യാര്‍ഥിനിയാണ് ലയ. തത്തമംഗലം അയ്യമ്പതി വീട്ടില്‍ ബിനേഷിന്റെയും ശാലിനിയുടെയും മകളാണ്.