വെള്ളിയാഴ്ച രാത്രി 9.30 മണിയോടെയായിരുന്നു അപകടം. മണ്ണാർക്കാട് നിന്ന് കോങ്ങാട്ടേക്ക് പോകുമ്പോൾ പന്നി കുറുകെ ചാടി അപകടമുണ്ടായത്. ഇദ്ദേഹത്തെ ആദ്യം വട്ടമ്പലം സ്വകാര്യ ആശുപത്രിയിലും പിന്നീട് പെരിന്തൽമണ്ണയിലും തുടർന്ന് കോഴിക്കോട് മെഡിക്കൽ കോളേജിലേക്ക് കൊണ്ട് പോയെങ്കിലും ജീവൻ രക്ഷിക്കാനായില്ല. ശനിയാഴ്ച പുലർച്ചെയാണ് മരണം. കഴിഞ്ഞ മാസമാണ് കോങ്ങാട് സ്വദേശിയായ യുവാവ് ഇതേ സ്ഥലത്ത് ബൈക്കിൽ കാട്ടുപന്നി ഇടിച്ച് ബൈക്ക് മറിഞ്ഞ് മരിച്ചത്. പ്രദേശത്ത് അപകടങ്ങൾ തുടർക്കഥയാവുകയാണ്. അധികൃതർ വേണ്ട രീതിയിൽ ഇടപെടുന്നില്ലെന്നാണ് നാട്ടുകാരുടെ പരാതി.