ഓട്ടോറിക്ഷ മോഷണം: അറസ്റ്റ്

മണ്ണാർക്കാട്: മണ്ണാർക്കാട്  താലൂക്ക് ആശുപത്രി പരിസരത്തു നിന്ന് ഓട്ടോറിക്ഷ മോഷണം പോയ കേസിൽ ഒരാൾ അറസ്റ്റിൽ. തെങ്കര മുതുവല്ലി ചേലക്കാട്ടുതൊടി ഹംസക്കുട്ടിയെയാണ് മണ്ണാർക്കാട് പൊലീസ് അറസ്റ്റ് ചെയ്തത്.  

ഗുരുവായൂരിൽ നിന്ന് ഓട്ടോറിക്ഷ പിടികൂടി. വാണിയംകുളം സ്വദേശിയും 108 ആംബുലൻസ്  ഡ്രൈവറുമായ സുഭാഷിന്റെ ഓട്ടോറിക്ഷയാണ് ഈ മാസം ആറാം തീയതി മോഷണം പോയത്. ആംബുലൻസിന് ഓട്ടം

ഇല്ലാത്തപ്പോ ഓട്ടം പോകാറുണ്ടായിരുന്ന ഓട്ടോറിക്ഷയാണ് മോഷണം പോയത്.

മണ്ണാർക്കാട് പൊലീസ് ഇൻസ്പെക്ടർ എം.ബി.രാജേഷ്, എസ്ഐ അജാസുദ്ദീൻ, സിപിഒ മാരായ ഉമ്മർ ഫാറൂഖ്, റംഷാദ്, ദേവദാസ്, വിനോദ്കുമാർ എന്നിവർ ചേർന്നാണ് അറസ്റ്റ് ചെയ്തത്.