മണ്ണാർക്കാട് നഗരസഭയിൽ CDS ചെയർ പേഴ്സൺ ആയി റജീന ഊർമ്മിള 28 ൽ 21 വോട്ടു നേടിയും വൈസ് ചെയർ പേഴ്സണായി സഫീന 28 ൽ 19 വോട്ടും നേടിയാണ് ചരിത്ര വിജയം കരസ്ഥമാക്കിയത്.
കോട്ടോപ്പാടത്ത് 7 ന് എതിരെ 15 വോട്ടുകളുടെ ഭൂരിപക്ഷത്തിലാണ് സി.ഡി.എസ് ചെയര്പേഴ്സണ് ആയി ദീപ എ, വൈസ് ചെയര്പേഴ്സണ് ആയി റഹ്മത്തുന്നീസ എന് എന്നിവര് വിജയിച്ചത്.
മണ്ണാർക്കാട് നഗരസഭയിൽ നിന്ന് വിജയം നേടിയ റെജീനക്കും, സഫീനക്കും മണ്ണാർക്കാട് CPI(M)LC സെക്രട്ടറി സ: കെ.പി.ജയരാജ് അഭിവാദ്യമർപ്പിച്ചു. മുസ്ലിം ലീഗിന്റെ കയ്യിലുള്ള വാർഡുകൾ പോലും അവരെ കൈയ്യൊഴിഞ്ഞ ചിത്രമാണ് ദൃശ്യമായതെന്നും അദ്ദേഹം കൂട്ടി ചേർത്തു. സ്ത്രീശാക്തീകരണം ലക്ഷ്യമിട്ട് ഇടതുപക്ഷ ജനാധിപത്യമുന്നണി സർക്കാർ രൂപം നൽകിയ കുടുംബശ്രീ പ്രവർത്തനം പക്ഷപാതപരമല്ലാത്ത രീതിയിൽ എല്ലാവരെയും സമഭാവനയോടെ കണ്ട് വനിതകളെ മുഖ്യധാരയിലേക്ക് കൊണ്ടുവരാൻ ഈ വിജയം കരുത്തേകുന്നതായും മുഴുവൻ ജനങ്ങളുടെയും പിന്തുണ ഇതിനുണ്ടാകണമെന്നും അദ്ദേഹം അഭ്യർത്ഥിച്ചു. തിങ്കളാഴ്ച സത്യപ്രതിജ്ഞ ദിനം വിജയദിനമായി ആചരിക്കുവാനും തീരുമാനിച്ചു.
