ബ്ലോക്ക് പഞ്ചായത്തിലെ ഭരണ സ്തംഭനം തീര്ക്കാന് ആസൂത്രണ സമിതി അധ്യക്ഷന് എന്ന നിലയില് ഇടപെട്ട മുസ്ലിം ലീഗ് നിയോജക മണ്ഡലം പ്രസിഡന്റിനെ വ്യക്തിഹത്യ നടത്താനുള്ള നീക്കം പാര്ട്ടി ഒറ്റക്കെട്ടായി നേരിടും. ഉമ്മുസല്മ ഉന്നയിക്കുന്ന ആരോപണങ്ങള് തെളിയിക്കാന് അവര്ക്ക് തന്നെയാണ് ബാധ്യത. സ്വമേധയാ സ്ഥാനം രാജി വെക്കാമെന്നുള്ള ഉറപ്പിന്മേല് അവിശ്വാസ പ്രമേയത്തില് നിന്നും യുഡിഎഫ് അംഗങ്ങള് വിട്ടു നിന്നതു കൊണ്ടാണ് ഇപ്പോള് പ്രസിഡന്റ് സ്ഥാനത്ത് ഉമ്മുസല്മ തുടരുന്നതെന്നും നേതാക്കള് പറഞ്ഞു.
വാര്ത്താ സമ്മേളനത്തില് ജില്ല സെക്രട്ടറിമാരായ അഡ്വ:ടി.എ.സിദ്ധീക്ക്, എം.എസ്.അലവി,കല്ലടി അബൂബക്കര്, റഷീദ് ആലായന്, വൈസ് പ്രസിഡന്റ് പൊന്പാറ കോയക്കുട്ടി, നിയോജക മണ്ഡലം പ്രസിഡന്റ് ടി.എ.സലാം, സെക്രട്ടറി സി.മുഹമ്മദ് ബഷീര്,ട്രെഷറര് ഹുസൈന് കോളശ്ശേരി, ബ്ലോക്ക് പഞ്ചായത്ത് അംഗങ്ങളായ തെക്കന് ബഷീര്, മുസ്തഫ വറോടന്,പടുവില് കുഞ്ഞു മുഹമ്മദ്, പി.ഷാനവാസ്, കെ.പി.ബുഷ്റ എന്നിവര് പങ്കെടുത്തു.