ദേശീയപാത അധികൃതരില് നിന്നും പ്രവൃത്തികള് പുനരാരംഭിക്കാന് അനുമതിയായതോടെയാണ് ഈ ഭാഗത്തെ പ്രവൃത്തികള്ക്ക് വേഗമേറിയിരിക്കുന്നത്.കോളേജ് റോഡ് താഴ്ത്തി നിര്മിക്കുന്നതിന് അധിക സാമ്പത്തിക ബാധ്യത നേരിടേണ്ടി വരുമെന്നതിനാല് ഇതിനായി നേരത്തെ മിനിസ്ട്രി ഓഫ് റോഡ് ട്രാന്സ്പോര്ട്ട് ആന്ഡ് ഹൈവേയ്സിലേക്ക് പ്രൊപ്പോസല് നല്കിയിരുന്നുവെങ്കിലും അനുമതിക്ക് കാലതാമസം നേരിട്ടതാണ് പ്രവൃത്തികള് പുനരാരംഭിക്കാന് വൈകിയത്.തത്ഫലമായി സ്ഥലമേറ്റെടുപ്പ് നീണ്ട് പോവുകയും ചെയ്തു. പ്രശ്നം പയ്യനെടം റോഡിന്റെ ആരംഭ ഭാഗത്തെ പ്രവൃത്തിയ വരെ ബാധിക്കുകയും ചെയ്തിരുന്നു.
റോഡ് നിര്മാണം പൂര്ത്തിയാകാത്തതിനാല് ഒരു വരിയിലൂടെ മാത്രമാണ് വാഹനങ്ങള് കടന്നു പോകുന്നത്. കോളേജ് പരിസരത്ത് ആളെ കയറ്റാന് ബസ് നിര്ത്തുമ്പോള് ഇരു ദിശയില് നിന്നും കയറ്റം കയറി വരുന്ന വാഹനങ്ങള് ഊഴം കാത്ത് നില്ക്കേണ്ടി വരുന്ന നിലയിലുമാണ്. ഇത് ഗതാഗതകുരുക്കും ഇവിടെ വഴിവെക്കാറുണ്ട്.വീതി കൂട്ടിയുള്ള റോഡ് നിര്മാണം പൂര്ത്തിയാകുന്നതോടെ ഇതിനെല്ലാം പരിഹാരമാകും.