നിലമ്പൂര് നോര്ത്ത് ഡിവിഷന് പരിധിയിലെ എടക്കോട് റിസര്വ്വ് മേഖലയില് ഉള്പ്പെട്ട ചാലിയാര് പുഴയുടെ തുരുത്തിലാണ് കടുവയുടെ കാല്പ്പാടുകള് കണ്ടത്. ജനങ്ങള് ജാഗ്രത പാലിക്കണമെന്ന് വനപാലകര് അറിയിച്ചു. കാട്ടാനയുടെ ഭീഷണി നേരിടുന്ന സ്ഥലം കൂടിയായ ഐസ്കുണ്ടില് കടുവ ഇറങ്ങിയതിന്റെ ഭയപ്പാടിലാണ് ജനങ്ങള്.
എടക്കോട് ഡെപ്യൂട്ടി റെയ്ഞ്ച് ഓഫിസര് എ നാരായണന്, സെക്ഷന് ഫോറസ്റ്റ് ഓഫീസര് ടി ബിജു, ബീറ്റ് ഫോറസ്റ്റ് ഓഫീസര്മാരായ സി ബിജില്, എ അഭിഷേക് പി അത്വിബുദ്ദീന്, എന് ഷാജിത്, സറഫുദ്ദീന് എന്നിവരാണ് സ്ഥലത്തെത്തി പരിശോധന നടത്തിയത്.