മണ്ണാർക്കാട്: മണ്ണാർക്കാട് കള്ളൻമാർ വിലസുന്നു. ഒരാഴ്ചക്കിടെ രണ്ടിടങ്ങളിലാണ് മോഷണം നടന്നത്. കഴിഞ്ഞ ശനിയാഴ്ച ചുങ്കത്തെ കടകളിൽ മോഷണം നടന്നതിന് പിറകേ ഇന്നലെ മണ്ണാർക്കാട് എം ഇ എസ് കല്ലടി കോളേജിന് സമീപത്തെ കടകളിലും മോഷണം നടന്നു. ഹന്ന ഫാൻസി, ജൻ ഔഷധ കേന്ദ്രം, മിലോ ബേക്കറി, ഒസ്ലം ഹോട്ടൽ തുടങ്ങിയ സ്ഥാപനങ്ങളിലാണ് മോഷണം നടന്നത്. രാവിലെ കട തുറക്കാനായി എത്തിയപ്പോഴാണ് മോഷണം നടന്നതായി ഉടമകൾ അറിയുന്നത്. ഷട്ടറിന്റെ പൂട്ട് കാണാനില്ലായിരുന്നെന്നും മേശക്കകത്ത് സൂക്ഷിച്ച 4000ത്തോളം രൂപ നഷ്ടമായതായി ഒസ്ലം ഹോട്ടൽ ഉടമ അബ്ദുറഹിമാൻ പറഞ്ഞു. ജൻ ഔഷധിയിൽ നിന്ന് 5000ത്തോളം രൂപയും നഷ്ടപ്പെട്ടതായാണ് വിവരം. പോലീസ് സംഭവ സ്ഥലത്തെത്തി പ്രാഥമിക പരിശോധന നടത്തി.
കഴിഞ്ഞ ശനിയാഴ്ച ചുങ്കത്തെ രണ്ട് കടകളില് നിന്നും പണം മോഷണം പോയിരുന്നു. കെ.പി.ബേക്കറിയിലും, യു.കെ മെഡിക്കല്സിലുമാണ് മോഷണം നടന്നത്. കുറച്ചു നാളുകള്ക്ക് ശേഷം മോഷ്ടാക്കള് വീണ്ടും തലപൊക്കുന്നത് വ്യാപാരികളെയും ജനങ്ങളേയും ഒരുപോലെ ആശങ്കപ്പെടുത്തുന്നുണ്ട്. ഇതിന് മുൻപ് മണ്ണാര്ക്കാട് അരയങ്ങോട് താഴത്തേതില് വീട്ടില് ശശിധരന്റെ വീട്ടില് നിന്നും 20000 രൂപയും അരപവന് സ്വര്ണാഭരണവും നഷ്ടപ്പെട്ടതായി പൊലിസില് പരാതി നല്കിയിരുന്നു. ഈ കേസിലും അന്വേഷണം തുടരുന്നുണ്ട്.
