മലപ്പുറം, തൃശ്ശൂർ, പാലക്കാട് ജില്ലകൾ കേന്ദ്രീകരിച്ച് വിദ്യാർഥികൾ ഉൾപ്പെടെയുള്ള കൗമാരക്കാരെ ലക്ഷ്യമിട്ടാണ് സംഘത്തിന്റെ വിൽപ്പന. ബഷീറാണ് മലപ്പുറം ജില്ലയിലെ പ്രധാനി. ബെംഗളൂരു വഴിയാണ് ഇവർ മെത്താംഫെറ്റമിൻ കേരളത്തിലേക്കെത്തിക്കുന്നതെന്നാണ് എക്സൈസ് നിഗമനം.
പിടിച്ചെടുത്ത മെത്താംഫെറ്റമിന് വിപണിയിൽ പത്തുലക്ഷംരൂപ വിലവരും. സംഘം രണ്ടാഴ്ചയായി എക്സൈസ് ഉദ്യോഗസ്ഥരുടെ നിരീക്ഷണത്തിലായിരുന്നു.
രണ്ടു പ്രതികളെയും ചൊവ്വാഴ്ച പൊന്നാനി കോടതി റിമാൻഡ്ചെയ്തു. വിശദമായ അന്വേഷണത്തിനായി പ്രതികളെ കസ്റ്റഡിയിൽ വാങ്ങുമെന്ന് എക്സൈസ് അധികൃതർ അറിയിച്ചു.
എക്സൈസ് ഇൻസ്പെക്ടർമാരായ എൻ. നൗഫൽ, ടി. ഷിജുമോൻ, അസി. എക്സൈസ് ഇൻസ്പെക്ടർ സി. ശ്രീകുമാർ, മുരുകൻ, പ്രിവന്റീവ് ഓഫീസർ പി.പി. പ്രമോദ്, ടി. ഗിരീഷ്, സിവിൽ എക്സൈസ് ഓഫീസർമാരായ ഇ. അഖിൽദാസ്, ജ്യോതി, ഡ്രൈവർ പ്രമോദ് എന്നിവരും സംഘത്തിലുണ്ടായിരുന്നു