ഈ സമയം കെട്ടിടത്തില് രോഗികളോ ഡോക്ടര്മാരോ , ജീവനക്കാരോ ഇല്ലായിരുന്നു. പുക പുറത്തേക്ക് വമിക്കുന്നത് ശ്രദ്ധയില്പ്പെട്ടതോടെ ജീവനക്കാര് അഗ്നിരക്ഷാസേനയില് വിവരം അറിയിക്കുകയായിരുന്നു.
കൃത്രിമശ്വസന സാമഗ്രികളുടെ സഹായത്തോടെ സേന അകത്തുകയറി തീ പൂര്ണമായും കെടുത്തുകയായിരുന്നു. ക്ലോറിന്റെ പുക കുറച്ചുനേരം ശ്വസിച്ചാല് ഏറെ അപകടകരമാകുമെന്ന് സേനാംഗങ്ങള് പറഞ്ഞു. കെട്ടിടത്തിന്റെ മുകള്നിലയില് ഡോക്ടര്മാരുടെ പരിശോധനാമുറികള്വരെയുണ്ട്. ഞായറാഴ്ചയായതിനാല് രോഗികളുടെ തിരക്കില്ലാത്തത് അനിഷ്ട സംഭവങ്ങളൊഴിവായി.
സ്റ്റേഷന് ഓഫീസര് പി. സുല്ഫീസ് ഇബ്രാഹിം, സീനിയര് ഫയര് ആന്ഡ് റെസ്ക്യൂ ഓഫീസര് ടി.ജയരാജന് എന്നിവരുടെ നേതൃത്വത്തില് ഫയര് ആന്ഡ് റെസ്ക്യൂ ഓഫീസര്മാരായ എം. ഷജിത്ത്, എം. മഹേഷ്, ഒ.എസ്. സുഭാഷ്, വി. സുരേഷ്കുമാര്, എം.എസ്. ഷബീറലി, ഒ. വിജിത്ത്, ഹോംഗാര്ഡുമാരായ എന്. അനില്കുമാര്, ടി.കെ. അന്സല്ബാബു എന്നിവരും രക്ഷാപ്രവര്ത്തനത്തില് പങ്കാളികളായി.