കൊല്ലപ്പെട്ട അനസ് അൽ ഷഹ്റിയുടെ കുടുംബം ദിയാധനമായി ആവശ്യപ്പെട്ട 1.5 കോടി റിയാൽ (ഏകദേശം 35 കോടി രൂപ) നേരത്തേതന്നെ റിയാദ് ക്രിമിനൽ കോടതിക്ക് ചെക്ക് വഴി കൈമാറിയിരുന്നു. കഴിഞ്ഞദിവസങ്ങളിൽ കേസ് കോടതിയുടെ പരിഗണനയ്ക്കുവന്നിരുന്നെങ്കിലും സൗദിയുവാവിന്റെ കുടുംബം എത്തിയിരുന്നില്ല. തുടർന്നാണ് കേസ് ചൊവ്വാഴ്ചത്തേക്ക് മാറ്റിവെച്ചത്. സ്പോൺസറുടെ ചലനശേഷി നഷ്ടപ്പെട്ട മകൻ കൊല്ലപ്പെട്ട കേസിൽ 18 വർഷമായി അബ്ദുൽ റഹീം ജയിലിലാണ്. ജയിൽമോചിതനായശേഷം റിയാദ് വിമാനത്താവളം വഴി റഹീമിനെ നാട്ടിലേക്കയക്കും.