രണ്ടിനങ്ങളിലും പുതിയ റെക്കോഡ് സ്ഥാപിച്ചാണ് മെഡൽനേട്ടമെന്നതും പ്രത്യേകതയായി. പുരുഷന്മാരുടെ 200 മീറ്റർ മത്സരത്തിൽ 21.09 സെക്കൻഡിലാണ് ഫിനിഷ് ചെയ്തത്. 1993-ൽ പഞ്ചാബ് പോലീസിലെ ഹർജിത് സിങ്ങിന്റെ പേരിലുള്ള റെക്കോഡാണ് ഇതോടെ പഴങ്കഥയായത്-21.10 സെക്കൻഡ്. ജിഷ്ണുപ്രസാദിന്റെ നേതൃത്വത്തിൽ ഇറങ്ങിയ ബി.എസ്.എഫ്. ടീം 4x100 മീറ്റർ റിലേയിലും 40.73 സെക്കൻഡുകൊണ്ട് ലക്ഷ്യം കണ്ട് റെക്കോഡിട്ടു. 2005-ൽ ബി.എസ്.എഫ് തന്നെ നേടിയ (40.86) റെക്കോഡാണ് തകർത്തത്. റിലേ ടീമിൽ രണ്ടു മലയാളികളുമുണ്ടായിരുന്നു. പാലക്കാട് സ്വദേശിയായ ആർ. അനീഷും കോട്ടയം സ്വദേശി വിനീത് ശശിധരനും. പശ്ചിമബംഗാളിലെ സൗരബ് ഷാ ആയിരുന്നു മറ്റൊരു ടീമംഗം. 4x400 മീറ്റർ റിലേയിലും മത്സരിച്ചെങ്കിലും മൂന്നാം സ്ഥാനമാണ് ലഭിച്ചത്. സ്കൂൾതലം മുതലേ സ്പോർട്സിൽ പ്രാവീണ്യം തെളിയിച്ചിരുന്നു.
